री राष्ट्रिय सूचना आयोगको सूचनाको हकसम्बन्धी ऐन, २०६४ र सूचनाको हकसम्वन्धी नियमावली, २०६५ ले निर्धारण गरेका उद्देश्य तथा लक्ष्य प्राप्तिका लागि ऐनको दफा १९ मा उल्लेखित प्रवर्द्धनात्मक कार्य अन्तर्गत सूचनाको हकका अन्तर्राष्ट्रिय मान्यताहरु र यस बारे हाल भैरहेका विकासका आयामहरु, यस ऐनका प्रावधानहरु सम्बन्धी सैद्धान्तिक ज्ञान एवं यसको प्रचलनका लागि भएका कठिनाईहरु, सोलाई सम्बोधन गर्न आयोगका तर्फबाट भैरहेका पहलहरु समेतलाई समेटी पर्वत जिल्ला स्थित सार्वजनिक निकायका कार्यालय प्रमुख, सूचना अधिकारी, पत्रकारहरु तथा अन्य सरोकारवालाहरुको लागि एक दिने अन्तक्रिया कार्यक्रम त्यहाँको सदरमुकाम कुस्मामा संचालन गरिएको थियो ।  

राष्ट्रिय सूचना आयोगको आयोजना, जिल्ला प्रशासन कार्यालय पर्वतको संयोजन तथा जिल्ला विकास समिति पर्वतको आवश्यक सहयोगमा त्यहाँको जिल्ला विकास समितिको सभाकक्षमा आयोजित सो कार्यक्रमको उद्घाटन प्रमुख अतिथि तथा आयोगका सूचना आयुक्त श्री किरण पोखरेलज्यूबाट त्यस जिल्लाका सरकारी कार्यालयहरुका सूचना अधिकारीहरुको विवरण सार्वजनिकरण गरी तथा पानसमा बत्ती बाली सम्पन्न भएको थियो ।